Sentenzias dalla dertgira nauscha

2011	*Drusus e Tiberius* perquei ch'els han exnum stuiu conquistar gl'onn 15 a.Cr. la Rezia ed ein la cuolpa dalla naschientscha dil romontsch e da ses idioms ed aschia era da quei entir hantieri entuorn il rumantsch grischun
2010	*Novartis, Roche e company* perquei ch'ei han dau da crer praulas sco quella dalla grippa da pors e perquei ch'ei han fadigiau memia ditg milliuns e milliardas cun mals che nus gnanc havein!
2009	*Hanspeter Lebrument* perquei ch'el fa empaglia plazzas da lavur si cheu tier nus e perquei ch'el ha negins scrupels da ventscher ora nus Romontschs
2008	*La Posta* perquei che: - ella vilenta biars, di per di e suronn - cun la clientella fa ella tgei ch'ella vul - ella dat buca tier ils sbagls - ch'il hosp seigi il retg, ha ella aunc mai udiu e mai praticau - quei ch'ella fa, fa ella cun retard; auter che serrar la sera la porta - e cun sia concurrenza nauscha e maltschecca fa ella empaglia las fatschentas indigenas
2007	*Urs Paul Engeler* perquei ch'el ha titulau ils Romontschs sco «räubers» ed «erpressers» e perquei ch'el ei buc seperstgisaus
2006	*Quellas e quels che han giu la garmaschia da votar encunter la Porta Alpina* perquei ch'ellas ed els han negin respect dil futur e perquei ch'ellas ed els dian adina «na»
2005	*Sedrun* perquei che quels da Sedrun tratgan ch'els seigien megliers che quels da Mustér
2004	*Ils Stadis uni dall'America* perquei ch'els dattan da crer ch'els seigien ils megliers e perquei ch'els ston ver en il nas dapertut
2003	*La veglia dertgira nauscha, representada tras ils vegls derschaders* perquei ch'ella veva pendiu sogn Pieder – quei ch'ei stau ina blutta blasfemia – ed ha aschia provocau las malauras digl onn 2002

Igl onn 2003 ein tut ils derschaders dalla Dertgira nauscha vegni remplazzai tras novs derschaders. Perquei vegn ei discurriu dalla "veglia" e dalla "nova" Dertgira nauscha.

Tgi che sa dil reminent, tgei delinquents ch'ein vegni pendi vid la fuortga ils onns 1992, 1994 e 1995, astga bugen tarmetter in e-mail a
contact[at]dertgiranauscha.ch.

Bien engraziament!

2002	*Sogn Pieder* perquei ch'el ha pli bugen stinschentau ils Grecs ed auters nunmeriteivels cun neiv enstagl da schar neiver il december 2001 tier nus
2001	*Bellinzona* perquei che quei marcau ha bloccau d'arver il pass dil Lucmagn
2000	*Sedrun/Mustér turissem* pervia dallas pendenzas e la speronza vana ch'ellas vegnien liquidadas
1999	*La partida cristiandemocratica (PCD)* perquei ch'ella ha nominau ils falli candidats per las elecziuns ella regenza grischuna e lu schau curdar siu candidat
1998	*Ils «na»* dalla votaziun per in access al plaz-fiera, al center religius ed alla serenera giu Raveras
1997	*Las Fifferlottas da Segnas* perquei ch'ellas ein buca cumparidas alla dertgira nauscha, mobein ein stadas a Sursaissa
1996	*Las votantas ed ils votants da Mustér* perquei ch'els voteschan tut il cuntrari. Enstagl da dir «gie» al center da sport han els detg «na», ed enstagl da dir «na» allas ruinas amiez il vitg han els detg «gie», aschia ch'igl ei vegniu cumprau la Casa cumin e la stampa veglia
1995
1994
1993	*L'uniun da tscheiver* perquei ch'ella senta la recessiun e venda enstagl dalla medaglia da tscheiver mo pli in pin modern che di pauc e presenta nuot.
1992
1991	*Las pendicularas dalla Surselva* perquei ch'ellas ein buca el stan da far ina politica da prezis che fuss era acceptabla pils indigens
1990	*Igl unviern* perquei ch'el ha: – tralaschau memia bia ils davos onns – schau ir las raunas per las vias il schaner e schau morder las bueras il fevrer – catschau ils skiunzs per l'entira Europa entuorn – fatg dir manzegnas e mess malapasch denter las uniuns da cura e traffic
1989	*La lescha da baghegiar* perquei ch'ella ei la cuolpa da tut, quei vul dir: - las casas novas en Mustér, ina mira aschia, l'autra aschia - ed ei dat strusch direcziuns geograficas avunda per declarar lur posiziun