Pensums ed obligaziuns

per autoritads, instituziuns e persunas privatas

Spert ein ils plaids dalla Dertgira nauscha mintgamai emblidai. Ils camonds dalla dertgira vegnan tralaschai!

Per evitar quei, figurescha en quei liug ina selecziun da pensums ed obligaziuns dils davos onns per quellas autoritads, instituziuns e persunas privatas che vevan survegniu «pensums» dalla Dertgira nauscha.

2011

vischnaunca da Mustér	procurar ch'ils hosps sesentien propi bein a Mustér ed astgien ughegiar da seser giu sillas "schüsslas" dallas tualettas o sut claustra
Sedrun Mustér turissem	edir in cudisch da Paninis culs maletgs da tut ils runals e tut las pistas, dils canuns da neiv, da sponsurs potenzials, mo en emprema lingia da tut ils vegls e novs commembers entuorn Sedrun Mustér turissem
uniun Pro idioms	- clamar ad ina radunonza extraordinaria ch'ha liug mesjamna, ils 16 da mars 2011, giu Trun – buca sut igl ischi, mobein egl Ischi (l'ustria giu Trun ch'ei miez en via) - midar num ed intent niev num: uniun "Pro pops romontschs" niev intent: mantener e promover ils idioms tras la producziun da plidaders, ni detg pli sempel: far pops! - l'uniun ha commembers activs e passivs

2008

geniturs	– metter a letg ad uras ils affons – mirar ch'ei mondien buca mo per las vias – mirar ch'ei derschien buca en vodca el Red Bull – e cunzun declarar, cu ei astgan schar giu caultschas e cu buca
premi Desertina	– midar il num en «Premi antidesertina» – surdar il «Premi antidesertina» a quella instanza che porscha suronn ina buna sortida alla vischnaunca da Mustér
presentas e presents dalla Dertgira nauscha	– ir giun posta mo cun brevs ch'ein gia francadas, e senza buorsa – tgi che drova marcas, duei ir on papeteria

2005

Sedrun e Mustér

telecabinas dad 8:
– naven dalla Porta Alpina enta Dieni ed anor
– e lu via Cungieri tochen sil Lai Alv e puspei engiu tier la Porta Alpina
– ed aschia vinavon