Historia

Igl origin dalla Dertgira nauscha
Cumpignias da mats
Descripziun scientifica dalla Dertgira nauscha
Giubileums

Igl origin dalla dertgira nauscha

La Dertgira nauscha ha – tenor Guglielm Gadola – ses origins el temps baroc. Tochen alla fin dil 18. tschentaner vegneva fatg Dertgira nauscha da gliendisdis tscheiver silla plazza avon la casa Cumin. Quei cun la participaziun dalla cumpignia da mats e dall'entira populaziun. Sil pli tard igl onn dils Franzos 1799, cu Mustér ei daventau in'unfrenda dallas flommas igl onn, eisi iu a fin cun quella tradiziun.

Igl onn 1989 han entginas commembras ed entgins commembers dall'uniun da tscheiver Mustér schau reviver quei vegl usit. Dapi lu ha la Dertgira nauscha puspei liug mintg'onn da gliendisdis tscheiver.

Al liug da dertgira (naven digl onn 2011 puspei avon casa da scola veglia) vegn ella accumpignada tras il til da tizuns cun las guggas e cun il stab dalla Dertgira nauscha. La "sesida" dalla dertgira – che cuozza circa in'ura – divertescha adina in grond publicum.

Auters loghens da dertgira ein stai avon casa da scola veglia, giu la staziun e liungs onns sil plaz avon la casa communala.

Igl onn 2009 ha la Dertgira nauscha dil temps modern saviu festivar siu giubileum da 20 onns!

Il til da tizuns serenda alla dertgira nauscha 2007

Cumpignias da mats

Fontauna: Uniun da giuventetgna Gonda (www.ugg.ch)

Tschun elements fundamentals s'udevan tier las cumpignias da mats grischunas:
- activitads societaras
- caracter ecclesiastic
- tempra militara
- funcziun giudiziala
- effectivitad politica

Aschia influenzava la cumpignia da mats era las decisiuns politicas dil vitg. La giurisdicziun che la cumpignia fageva vegneva temida, era sch'ella era buca renconuschida.

La dertgira aulta da Mustér ha remarcau el 18avel tschentaner, ch'ei hagi dau truaments exegerai d'ina "dertgira nauscha", denton hagien quels process illegals magari menau tier meglieras consequenzas ch'ils truaments ufficials dallas suprastonzas.

Descripziun scientifica dalla dertgira nauscha

Fontauna: Lexicon historic retic (www.e-lir.ch)

Giubileums

Igl onn 2009 ha la Dertgira nauscha saviu festivar siu giubileum da 20 onns! E cun ella ha l'uniun da tscheiver Mustér saviu festivar 25 onns, il til da tscheiver a Mustér 30 onns. Igl onn 2010 ha la Sibla - la gasetta da tscheiver - astgau festivar siu giubileum da 25 onns!