Cundiziuns

per annunziar cass alla Dertgira nauscha

Reglament dils 3-3-2003

(versiun dils 7-3-2011)

1. Sche ti enconuschas in fatg che duess vegnir purtaus avon la Dertgira nauscha, sas ti annunziar quei gratuitamein alla Dertgira nauscha.

2. Sche ti has sezza ni sez fatg ina filistucca che duess vegnir purtada avon la Dertgira nauscha, sas ti annunziar quei – medemamein gratuitamein – alla Dertgira nauscha.

3. Sche ti has fatg ina filistucca, vul denton buc che quei cass vegni purtaus avon la Dertgira nauscha, sas ti pagar alla Dertgira nauscha:

a) 100 francs
epi ponderein nus da buc purtar il cass avon dertgira

b) 1 000 francs
epi sespruein nus da buca purtar il cass avon dertgira

c) 10 000 francs
epi menziunein nus mo tiu num avon dertgira

d) 100 000 francs
epi stos ti temer nuot (senza garanzia)

L'adressa dad e-mail per far l'annunzia anflas ti cheu.

Notabene

En quei connex less la Dertgira nauscha sedistanziar da tuttas reproschas da corrupziun!